24 авг 08:32
Янгиликлар
Спорт курашлари
Икки юнон-рум курашчимиз жаҳон чемпионати шоҳсупасида!
Болгариянинг Самоков шаҳрида юнон-рум кураши бўйича жаҳон чемпионати давом этмоқда.
U20 ёш тоифасидаги дунё биринчилигининг навбатдаги куни классик курашчилар медаллар учун баҳс олиб боришди. Юнон-рум курашчиларимиздан икки нафари шоҳсупага кўтарилди.
-72 кг вазн тоифасида юртимиз шарафини ҳимоя қилган Осиё чемпиони Аҳмад Қодиров финалга қадар мағлубиятсиз етиб бориб, жаҳон чемпионатининг кумуш медалини қўлга киритди. Муросасиз кечган финал баҳсида у арманистонлик Гаспар Тертерянга имкониятни бой бериб қўйди. -67 кг вазндаги вакилимиз Фаёзбек Эшмирзаев эса эронлик Ҳуссайн Ғуломрезани 5:1 ҳисобида доғда қолдирди.
Ҳавола :
Фикрлар