Илҳом Назимовнинг рақиби ўзгарди. Ҳамюртимиз энди RIZIN чемпионлик камари учун жанг қилади!

Аввалроқ, турнир доирасида ўзбекистонлик таниқли аралаш якка кураш устаси Илҳом Назимов америкалик Ноа Бейга қарши октагонга кўтарилиши ҳақида хабар берган эдик.

Бироқ Илҳомнинг Instagram саҳифасида маълум қилишича, унинг рақиби ўзгарган. Ҳамюртимиз энди ўша куни бразилиялик Роберто де Соузага қарши баҳс олиб боради. Енгил вазн тоифасида RIZIN камари учун кечадиган жангда Назимов захира жангчиси сифатида иштирок этади.

Маълумот учун, Илҳом Назимов ММАда 12 ғалаба ва 3 мағлубият қайд этган.  Назимов бундан аввалги жангини ҳам RIZIN лигасида ўтказган эди. Япониянинг Саппоро шаҳрида ўтган RIZIN Landmark 11 турнирида 30 ёшли ҳамюртимиз Япония вакили Сугуру Ниигани илк раунддаёқ нокаутга учратганди. 

36 ёшли Роберто де Соуза ҳисобида эса 20 та ғалаба ва 3 та мағлубият бор.