Илия Топурия енгил вазндаги дебюти учун икки эҳтимолий рақибни айтди

"Мен ўзимни Ислам Махачевга қарши жанг учун тайёрлаяпман. Барча тайёргарлигим Махачев ва Чарльз Оливейрага йўналтирилган, чунки мен бошқа рақибларни кўрмаяпман. Менинг онгимда фақат шу икки исм бор, лекин ҳозирча уларнинг ҳеч бири менга қарши жанг қилишга журъат қилолмаяпти.

Аввалига "чемпион ҳар қандай рақибга қарши жанг қилиши керак" деб гапиришади, кейин эса "у билан жанг қилмайман, чунки у кичик" дейишади. Лекин мен энди бу дивизиондаман. Мен кичик эмасман. Аммо ҳозир улар "у етарлича жанг ўтказмаган" деб баҳона қилишяпти. Бу қўрқув белгиси, ҳаммамиз буни биламиз. Лекин бу нормал ҳолат. Агар мен уларнинг ўрнида бўлганимда, мен ҳам қўрқар эдим", - деди Топурия. 

Топурия ўтган ой ярим енгил вазн чемпиони камаридан расман воз кечганди. UFC президенти Дана Уайт икки ҳафта ичида унинг рақибини эълон қилишини айтганди.