29 июн 12:42
Янгиликлар

Бокс/ММА

Илия Топурия UFC тарихида аввал ҳеч ким эриша олмаган натижа қайд этди

Асли келиб чиқиши грузиялик, ҳозирда Испания шарафини ҳимоя қилаётган Илия Топурия бугун Лас-Вегасда ўтган турнирда енгил вазнда UFC чемпионлик камарини қўлга киритди.

Бу билан у UFC тарихида ҳали ҳеч бир спортчи эриша олмаган натижа қайд этди. Яъни, у икки вазнда мағлубиятга учрамай, UFC чемпиони бўлган илк аралаш яккакураш устасига айланди.

Чарльз Оливейрани мағлуб этиш орқали Топурия ўз ғалабалари сонини 17 тага етказди. Илия 2024 йилда ярименгил вазн тоифасида ҳам промоушен чемпиони бўлганди. Ўшанда у австралиялик Алекс Волкановскидан устун келган эди. Топурия Макс Холлоуэйни мағлуб этиб камарини ҳимоя қилганидан кейин енгил вазнга кўчиб ўтганди.