25 ноя 08:10
Янгиликлар

Бокс/ММА

Иноуэ WBC чемпионлик камарини қўлга киритди

Япониянинг Токио шаҳрида навбатдаги профессионал бокс турнири ташкил этилди.

Оқшом доирасида япониялик 29 ёшли боксчи Такума Иноуэ 27 ёшли ҳамюрти Теншин Насукавага қарши рингга кўтарилди. Ўн икки раундлик жанг энг енгил вазн тоифасида (53,5 кг гача) вакант бўлиб турган WBC чемпионлик камари учун кечди.

Тўлиқ 12 раунд давом этган жангда ҳакамларнинг якдил қарори билан Иноуэ 116-112, 116-112 ва 117-111 ҳисобларида ғалаба қозонди.

Такума Иноуэ тўрт вазн тоифасида жаҳон чемпиони Наоя Иноуэнинг укаси ҳисобланади. Бунгача у енгил вазн тоифасида WBA камари соҳиби бўлган.