05 авг 15:28
Янгиликлар
Бокс/ММА
Иноуэнинг собиқ рақиби Рамон Карденас Наоя ва Муроджон жанги ҳақида гапирди
Америкалик боксчи Рамон Карденас иккинчи энг енгил вазн тоифасида япониялик мутлақ жаҳон чемпиони Наоя Иноуэ ва ўзбекистонлик WBA Interim камари соҳиби Муроджон Аҳмадалиев ўртасидаги жангга тўхталди.
Иноуэ — Аҳмадалиев мутлақ чемпионлик жанги 14 сентябрь куни Япониянинг Нагоя шаҳрида бўлиб ўтади.
"Умид қиламанки, Наоя ва Муроджон Аҳмадалиев тўқнашуви барча бокс мухлисларига ажойиб жанг тақдим этади. Мен ушбу баҳсни интизорлик билан кутяпман, чунки иккала йигит ҳам рингда қандай ҳаракат қилишини жуда яхши биламан. Бу йигитлар рингга ҳақиқий жанг кўрсатиш учун чиқишади", дейди Рамон.
Эслатиб ўтамиз, 29 ёшли Карденас жорий йилнинг май ойида Наоя Иноуэ билан жанг қилиб, муддатидан олдин имкониятни бой берганди.
Ҳавола :
Манба : boxingscene.com
Фикрлар