Иқболжон Холдаров: «Энди фақат ғалаба қозониш қолди, холос»

Истедодли боксчимиз Иқболжон Холдаров (1-0, 1 КО) 17 декабрь оқшомида рингга кўтарилишидан хабарингиз бор. 6 раундга мўлжалланган жангда Иқболжонга ўзбек бокс мухлисларига яхшигина таниш бўлган белоруслик Дмитрий Милиуша (9-5-1, 4КО) рақиблик қилади. Холдаров жангга тайёргарлик ҳамда рақиби ҳақида гапирди.

«Жангга аъло даражада тайёргарлик кўрдик, деб ўйлайман. Рақибим проф боксда мендан кўра анчайин тажрибали. Биз албатта бу жиҳатни инобатга олган ҳолда жангга ҳозирландик. Ҳамма нарса тайёр. Ин Шаа Аллоҳ, энди фақат ғалаба қозониш қолди, холос», - деди Иқболжон.

Иқболжон Холдаров машғулотларнинг катта қисмини Андижон вилоятида ўтказди. Бир неча кун аввал Тошкентга етиб келди.

Эслатиб ўтамиз, Дмитрий Милиуша бошқа бир проф боксчимиз – Шоҳжаҳон Эргашев билан тўқнаш келган ва мағлубиятга учраган.