Иржи Прохазка кутилмаган мағлубиятига изоҳ берди

Оқшомнинг асосий жанги ташкилотнинг собиқ чемпиони Иржи Прохазка ҳамда Янги Зеландия вакили Карлос Улберг ўртасда ярим оғир вазн тоифасида вакант бўлиб турган чемпионлик камари учун кечди. Жанг бироз кутилмаганда Карлос Улбергнинг биринчи раунддаёқ техник нокаутли ғалабаси билан якунланди. Оёғидан жароҳат олган Карлос камбэк эвазига муқаррар мағлубиятни ғалабага айлантирди.  

Чехиялик собиқ чемпион жангдан кейин ўзининг муваффақиятсизлигига изоҳ берди.

"Ёмон нарсалар бўлиб туради. Унга бироз раҳмим келганини сездим. Бу ҳаётимдаги энг катта сабоқлардан бири. Мен ҳали ҳам ғалаба қозона олардим деб ўйлайман. Мен аллақачон бу жангда ғалаба қозондим деб ўйладим. Мен унинг жароҳатини кўрдим, жин урсин, айтадиган гапим йўқ. Мен қайтиб келаман, ҳаммангизга раҳмат. Ҳаёт айнан шу ҳақда: ўрганиш ва яхшироқ бўлиш. Бугунги иштироким учун узр сўрайман", - деди Прохазка.

Эслатиб ўтамиз, Улберг жанг бошида жароҳат олган, Иржи уни мағлуб этишга интилмаган, бироқ тез орада бунинг учун жавоб олди. Карлос уни ҳужумлардан бирида зарба эвазига ушлаб олди ва техник нокаутга учратди.