Иржи Прохазка UFCʼга қайтганидан сўнг қандай мақсадлари борлигини айтди: "Бу физикадаги тортишиш кучига ўхшайди"

"Ҳеч қандай муаммоим йўқ. Энди мен мақсадимга бошқа йўл билан эришиш имкониятига эга бўлдим. Натижада мен кучлироқ бўламан. Жангчи йўлини танлаганингизда нима ёлғон, нима ҳақиқат эканлигини тушунасиз. Мен беш ой олдин UFC чемпиони бўлганман ва ҳозирги вазият ички туйғуларимни ўзгартирмайди. Ўзимни доим чемпиондек ҳис қилганман. ММА билан шуғуллана бошлаганимнинг сабаби ҳам шу.

Бу менинг чексиз мотивациям, руҳим ва ҳаракат қилиш истагимдир. Бу физикадаги тортишиш кучига ўхшайди. Шундай экан, кимдир чемпионлик камарини олсин ва дам олаётган пайтимда ўзини зўрлигини исботласин. Ҳақиқий чемпион ким эканлигини кўрсатиш мен учун шараф бўлади. Р4Р рейтингида етакчи бўлишни истайман. Мухлисларга қўллаб-қувватлагани ва ишончлари учун миннатдорчилик билдираман. Бу фақат бошланиши", - деди Прохазка.

Эслатиб ўтамиз, ярим оғир вазн тоифасидаги вакант қолган чемпионлик камари учун жанг 10 декабрь куни UFC 282 турнирида Ян Блахович ва Магомед Анкалаев ўртасида бўлиб ўтади