Ишонасизми? Мақтанчоқ Баттл 6 та жангда 3-маротаба вазн қила олмади

Бир суткада UFC 319 турниридан маҳрум бўлди. Аввалига енгил вазн тоифасида Бобби Грин ва Диего Феррейра ўртасидаги жанг 38 ёшли Бобби сабаб бекор қилинди. Кейин TUF шоуси 33-мавсуми финали доираси яримўрта вазндаги Даниил Донченко ва Родриго Сезинандо жанги вазн ташлаш билан боғлиқ муаммо сабаб карддан ечилди. 

Афсуски, учинчи йўқотиш ҳамюртимиз Нурсултон Рўзибоевнинг жангига тўғри келди. Унинг америкалик рақиби Брайан Баттл ўрта вазн тоифаси меъёрини бажара олмади. У тарозида 4 фунт, яъни 1.81 кг ортиқча вазн кўрсатди. Мақтанчоқ Брайаннинг тарозидан олдинги ваҳималарини дунёни бузаётганди.  

Аввалига унинг Нурсултон билан жанги ўз кучида қолиши, фақат америкалик гонорарининг 30 фоизини ҳамюртимизга бериши айтилганди. Бунга Рўзибое ҳам рози бўлганди. Аммо кейинчалик UFC расмийлари жангнинг бекор қилинганини айтишди. 

Қизиғи, Баттл биринчи мартта бундай қовун туширмаётган экан. У 6 та жангининг 3 тасида вазн қила олмаган. Ўтган йилнинг декабрь ойида Рэнди Браунга қарши жанг олдидан белгиланган вазн меъёрини бажара олмаганидан кейин ўрта вазн тоифасига ўтказилган эди. Катта эҳтимол билан мақтанчоқ хўроз энди промоушендан ҳайдалади.