18 дек 14:33
Янгиликлар

Бокс/ММА

Ислам Махачев Дана Уайт билан суҳбати нима ҳақида бўлганини очиқлади

Енгил вазнда UFC чемпиони Ислам Махачев ташкилот бош директори Дана Уайт билан унинг офисида учрашди.

Россиялик аралаш яккакураш устаси Дана билан қандай мавзуларда гаплашганини очиқлади.

"Кеча Дана Уайт билан учрашдик. Унинг офисида бирга тушлик қилдик. Бу учрашувда нафақат мен, балки ММА оламининг бугунги куни ҳақида гаплашдик. Кейинги жангим бўйича ҳозирча ҳеч нарса аниқ эмас. Яқин кунларда бу бўйича янгилик бўлиб қолади", — деди Махачев UFC Eurasia матбуот хизматига берган интервьюсида.

Эслатиб ўтамиз, Ислам Махачевнинг ММАдаги рекорди 25-1ни ташкил қилмоқда. У ўзининг сўнгги жангини шу йилнинг 21 октябрь куни Абу-Даби (БАА) шаҳрида ташкил этилган UFC 294 турнирида ўтказган эди. Ўшанда у чемпион Александр Волкановскини биринчи раунднинг ўзида нокаутга учратганди.