Ислам Махачев: "Жонс допинг билан қўлга тушган – унинг серияси ҳақиқий эмас!"

Оғир вазнда собиқ чемпиони Жон Жонс лигада мағлубиятсиз 19 та ғалабага эришган.

"Мен Жон Жонсни умуман тарихда энг буюк атлетлардан бири эканлигини инкор этмайман. Аммо у икки марта допинг билан қўлга тушган, шунинг учун унинг серияси ҳақиқий деб ҳисобланмайди. У допинг қабул қилган ҳолда жанг қилган ва шу сабабдан ҳисоб янгидан бошланади. Шунга қарамай, у энг кучли, балки тарихдаги энг кучли жангчилардан биридир. Ким учун қандай. Мен учун у энг кучлиларидан бири", — деди россиялик жангчи "Ушатайка" каналига берган интервьюсида.

Жорий йилнинг август ойида Ислам Махачев чемпионлик камарини муваффақиятли ҳимоя қилди. У Йен Мачадо Гэррини ҳакамларнинг якдил қарори билан мағлуб этиб, 17 та ғалаба билан афсонавий Андерсон Сильванинг рекордини янгилаганди (Сильва лигада кетма-кет 16 та жангда ғалаба қозонган эди).