28 авг 12:21
Янгиликлар

Бокс/ММА

Ислам Махачев машғулотларга қайтди + ФОТО

Енгил (70 кг.гача) вазнда амалдаги UFC чемпиони Ислам Махачев машғулотларни бошлаб юборди.

Россиялик аралаш яккакураш устаси жароҳати сабаб сўнгги жангидан кейин танаффус олганди. 32 ёшли Махачев катта эҳтимол билан декабрь ойида камар ҳимояси учун октагонга чиқади.

Ислам 2015 йилнинг 23 май куни UFC промоушенида дебют қилганди. Ўшанда у UFC 187 турнирида Лео Кунцни бўғиш усули билан мағлубиятга учратган эди. Сўнгги жангини шу йилнинг 2 июнь тонггида UFC 302 турнири доирасида америкалик собиқ вақтинчалик чемпион Дастин Порьега қарши ўтказиб, рақибини бешинчи раундда бўғиб қўйганди. Бу Ислам учун учинчи чемпионлик ҳимоя жанги бўлган эди.