Ислам Махачев Оливейрани қандай мағлуб этишини айтди

"Менежерим менга Оливейра билан чемпионлик жангини ташкил қилиш эҳтимоли 50/50 эканлигини айтди. Ҳозир фаолиятимнинг чўққисидаман. Шунинг учун чемпионлик учун курашишим керак. Чарльз вазн қила олмагани учун камаридан маҳрум бўлди. Бу нопрофессионаллик. Чемпион бундай бўлиши керак эмас. 

Умид қиламанки, улар Чарльзга қарши жанг ташкил қилиб беришади. Матбуот ва мухлислар бу жангга қизиқиш билдирмоқда. Чарльз билан ким жанг қилади? Бошқа ҳеч ким йўқ. Конор Макгрегор ёки Нейт Диасга қарши жанг ҳақида гапирганда, у сентябрда тайёр бўлишини айтганди. Аммо, мен билан жангга декабргача тайёр бўлмаслигини баҳона қилди. 

У мендан қочмоқда. Чунки, унинг грепплинг ва бошқа усуллари мен билан жангда фойда бермаслигини билади. На Порье, на Чендлер ва на Гэтжи уни мағлуб қила олди. Биз биламизки, қийин вазиятда у тез таслим бўлади. Шунинг учун мен уни чарчатаман ва таслим этаман", — дея Махачевнинг сўзларини келтиради ESPN.