10 май 10:04
Янгиликлар

Бокс/ММА

Ислам Махачев: "Қачонлардир Дастинга кимнидир "гильотин"га тушириш насиб қилар, лекин аниқ мени эмас!"

Енгил вазнда амалдаги UFC чемпиони Ислам Махачев яна бир бор америкалик рақиби Дастин Порье ҳақида ҳақида фикр билдирди.

"Жанг бошланиши билан Дастинни тейкдаунга туширишга ҳаракат қиламан. Дастин эса мени "гильотин", яъни бўғиш учун уриниб кўради. Лекин мен бу усулдан ҳимояланаман, унга зарбалар сериясини ёғдираман. Табиийки, у зарбалардан қочади ва мен жанг якунлайман. Ўйлайманки, қачонлардир Дастинга кимнидир "гильотин"га тушириш насиб қилади, лекин бу аниқ мен бўлмайман", — дея Махачевнинг сўзларини келтиради MMAJunkie.

Эслатиб ўтамиз, Ислам Махачев ва Дастин Порье ўртасидаги тўқнашув UFC 302 турнирининг марказий жанги бўлади. Бу Бриллиант учун UFC чемпионлик камарини қўлга киритиш йўлидаги учинчи уриниш бўлади.