Ислам Махачев UFC камарини топширадими?

Кейинги жангида Ислам яримўрта вазн тоифаси чемпионлиги учун октагонга чиқиш имкониятин қўлга киритган тақдирда ҳам енгил вазндаги UFC камаридан воз кечмайди. 

"Шанба оқшомидаги жанг кейинги қадамимни аниқлаб беради. Лекин жанг қандай натижа билан якунланмасин, мен енгил вазндаги чемпионлик камаримдан воз кечмайман. Балки, у ерда ҳақиқий даъвогар пайдо бўлар", – дея ўзининг ижтимоий тармоқдаги саҳифасида хабар қолдирган Махачев.

Россиялик аралаш яккакураш устаси яримўрта вазн чемпионлик камари учун жанг қилиши мумкин. Фақат бунинг учун UFC 315 турнирининг асосий жангида австралиялик Жек Делла Маддалена фаластинлик Белал Муҳаммадни мағлуб этиши керак. Белал ғалаба қозонса, Ислам яримўрта вазн чемпионлиги учун бўлган фикридан қайтади ва енгил вазндаги ўз камарини ҳимоя қилади. Бу ҳақда Монреалда ўтган матбуот анжуманида Лига раҳбари Дана Уайт хабар берди.

Ислам Махачевнинг қўшимча қилишича, 28 июнь куни Лас-Вегасда ўтказиладиган Илия Топурия ва Чарльз Оливейра ўртасидаги жанг даъвогарлик мақомида бўлади. Ушбу жанг ғолиби Махачевнинг кейинги рақиби номини аниқлаб беради.