04 янв 11:26
Янгиликлар

Бокс/ММА

Исраэль Адесанья: "Фаолиятим UFC’да якунланади"

Янги зеландиялик 36 ёшли Исраэль Адасанья ўз кучини профессионал боксда синаб кўришни ёки UFC’дан бошқа промоушенда жанг қилишни режалаштирмаяпти.

"Менинг фаолиятим UFC’да тугайди. MMA - яккакурашларнинг олий тури. Бу ерда сен барча аъзоларингдан, барча мумкин бўлган техник имкониятлардан фойдаланасан", - дея Адесаньянинг сўзларини келтиради MMA Junkie.

Эслатиб ўтамиз, Исраэль сўнгги бор 2025 йилнинг февраль ойида октагонга кўтарилган эди. Ўшанда у UFC Fight Night 250 турнирида Франция шарафини ҳимоя қилаётган Нассурдин Имавовга иккинчи раундда нокаут билан имкониятни бой берганди.

Адесанья - ўрта вазн тоифасида UFC чемпиони бўлган. Унинг фаолиятида 24 ғалаба ва 5 мағлубият бор. Аралаш яккакураш устаси 2018 йилдан бери UFC’да ўз жангларини ўтказиб келмоқда.