Исраэль Адесанья қайтяпти. Жанг манзили, рақиби маълум + ПОСТЕР

У 28 март куни Сиэтлда бўлиб ўтадиган UFC Fight Night 271 турнирида Жо Пайферга қарши жанг ўтказади. Бу оқшомнинг асосий жанги бўлади. Жаҳоннинг энг кучли лигаси раҳбари Дана Уайт ушбу жангни расман эълон қилди.

Исраэль ўтган йилнинг февраль ойида иккинчи раундда техник нокаут эвазига Нассурддин Имавовга имкониятни бой бериб, кетма-кет учинчи мағлубиятини қабул қилиб олганди. Бунгача 36 ёшли нигериялик чемпионлик жангларида бир овоздан Шон Стриклендга ва тўртинчи раундда Дрикус Дю Плесси томонидан орқадан бўғиш орқали мағлубиятга учраганди.

Жо Пайфер эса, аксинча, биринчи раундда Марк-Андре Барриони нокаутга учратиб, Келвин Гастелум устидан ҳакамларнинг якдил қарори билан ғалаба қозонди. Кейин эса иккинчи раундда Абусупиян Магомедовни бўғиб қўйди. Айни пайтда Исраэль Адесанья рейтингда олтинчи, Жо Пайфер эса 15-ўринни эгаллаб турибди.