Исроил Мадримов фаолиятида учинчи бор чемпионлик камари учун жанг қилади

Мусобақа доирасида ўзбекистонлик чарм-қўлқоп устаси, биринчи ярим ўрта вазн тоифасида WBA собиқ чемпиони Исроил Мадримов рингга кўтарилади. Ҳамюртимизга ўша куни америкалик Вержил Ортис рақиблик қилади.

Жанг Ортиснинг WBC Interim камари учун ташкиллаштирилади.

Шу тариқа, 29 ёшли Исроил Мадримов ўзининг профессионал фаолияти давомда учинчи бор камар учун жанг ўтказади. Эслатиб ўтамиз, боксчи дастлаб, жорий йилнинг март ойида вакант бўлиб турган WBA камари учун жангда россиялик Магомед Курбановни нокаутга учратган бўлса, август ойида замонавий бокс афсоналаридан бири — америкалик Теренс Кроуфорд билан WBA, WBO Interim камарлари учун жангда имкониятни бой берганди.