01 ноя 10:50
Янгиликлар
Исроил Мадримов иштирокидаги жанг Тошкентда ўтказилиши мумкин
Режа бўйича Исроил «Тhe Dream» Мадримов декабрь ойида франциялик Мишель Сорога қарши рингга кўтарилади. Ушбу жанг ғолиби WBА чемпионлик жангида рингга чиқиш учун расмий даъвогарга айланади.
Бизга маълум бўлишича, Мадримов - Соро жанги Тошкентда ўтказилиши ҳам мумкин экан.
"Ҳа, айни пайтда жамоам жангни Тошкентда ўтказиш бўйича музокараларни бошлаган. Тез кунда янгилик бўлиб қолади", - дейди сайтимизга берган кичик интервьюсида Мадримов.
Аввал хабар берганимиздек, "Мир Бокса" компанияси "Маtchroom Boxing" билан ҳамкорликда ушбу жангни 11 декабрь куни АҚШда (Лас-Вегас ё Кливленд) ёки Тошкентда (Ўзбекистон) ўтказишни режалаштирган.
Аукцион ғолиби томонидан тақдим этилган мукофот жамғармаси 245 минг долларни ташкил этган. Рейтингнинг биринчи рақамли боксчиси Мишель Соро мукофот пулининг 60 фоизи - 147 минг доллар, рейтингнинг иккинчи рақамли боксчиси Исроил Мадримов эса 40 фоиз - 98 минг долларга эга бўлади.
Фикрлар