Исроил Мадримовни табриклаймиз!

Исроил Хоразм вилояти Хива шаҳрида таваллуд топган. 11 ёшидан бокс билан шуғуллана бошлаган Мадримов ҳаваскор боксда Осиё чемпиони, Осиё ўйинлари совриндори, Халқаро тоифадаги спорт устаси каби ютуқларга эришган. Фаолиятини профессионал боксда давом эттираётган қаҳрамонимиз ҳозирги кунда АҚШнинг Калифорния штатида машғулотлар олиб бормоқда. WBА Intercontinental чемпионлик камари соҳиби, проф рингда 4 та жанг ўтказиб барчасида нокаут эвазига ғалабага эришган Хива ўғлони 2019 йилда профессионал боксда "Йил кашфиёти" номзодлари қаторида борлигининг ўзи боксчимизнинг ёрқин услуб эгаси эканлигидан далолатдир. Ҳамюртимиз навбатдаги жангини 29 февралда АҚШнинг Техас штати Фриско шаҳридаги бокс оқшомида венесуэлалик Чарли Наваррога қарши ўтказиши кутилмоқда. 

WBА рейтингининг биринчи ўрта вазн (69,85 кг) тоифасида 3-ўринни эгаллаб турган Исроил Мадримовни туғилган куни билан табриклаймиз. ОМАД, БАХТ ва улкан ЗАФАРлар ҳамиша ҳамроҳ бўлишига тилакдошмиз. У забт этиши керак бўлган марралар ҳали олдинда! Армонинг йўқлиги армон бўлиб қолсин.

Ҳурмат билан Olamsport.com сайти таҳририяти ва ЎзЖОКУ талабаси Сарвиноз Рахмонқулова