02 фев 10:38
Янгиликлар
Бокс/ММА
Исроил Мадримовнинг навбатдаги жанг санаси ва манзили маълум
Профессионал боксчимиз Исроил Мадримов айни кунларда АҚШда навбатдаги жангига тайёргарлик кўрмоқда.
Калифорнияда яшаб, ўша ерда бўлажак жангларига ҳозирлик кўрадиган Мадримовнинг навбатдаги жанг санаси маълум бўлди. Исроилнинг бизга хабар беришича, жанг катта эҳтимол билан 29 февраль куни АҚШнинг Чикаго шаҳрида ўтказилади.
Лекин ҳозирча ушбу жанг санаси ва манзили расман ўз тасдиғини топгани йўқ. Аммо, ҳақиқатга анча яқин. Мадримов сўнгги жангини 2019 йилнинг 5 октябрида Алехандро Баррерага қарши ўтказган ва бешинчи раундда рақибини нокаутга учратган эди.
Маълумот учун, куни кеча эълон қилинган янгиланган WBA рейтингида Исроил Мадримов биринчи ўрта вазн (69,85 кг) тоифасида учинчи ўринни эгаллаб турибди.
Ҳавола :
Манба : olamsport.com
Фикрлар