Истеъдодли боксчимиз россиялик тажрибали рақибини муддатидан аввал енгди

Оқшом доирасида 24 ёшли боксчимиз Хуршидбек Расулжонов (10-0-0) биринчи енгил вазнда собиқ WBA Gold камари соҳиби, ураллик "Канело" номи билан танилган 29 ёшли Марк Урванов (25-4-2)га қарши рингга кўтарилди. 

Олтинчи ва еттинчи раундларнинг ўртасидаги танаффусда Урвановнинг мураббийлари жангни давом эттирмасликка қарор қилишди. Олтинчи раундда Расулжонов рақибини кучли зарба билан нокдаун ҳолатига тушириб қўйди. 

Ушбу жанг 8 раунддан иборат бўлиб, супер ярим енгил вазн тоифасида ўтказилди. Хуршидбек Расулжонов проф рингдаги 10-жангида 10-ғалабасини қўлга киритди. Урванов фаолиятидаги 28-жангидаги тўртинчи мағлубиятини қабул қилиб олди. Илк бор техник нокаут билан ютқазди.  

Эслатиб ўтамиз, ушбу турнир доирасида ҳамюртимиз Қудратилло Абдуқаҳҳоров (21-5-0) россиялик мағлубият ва муроса нималигини билмай келаётган Вадим Туков (16-0-0)га техник нокаут эвазига имкониятни бой берди. Туков WBA Gold камари соҳибига айланди. Муҳаммад Шехов эса аргентиналик Родриго Фабиан Руисга илк мағлубиятни тақдим этди. Руис кечаги жангига қадар 22 ғалабали серия билан келаётганди.