Истомин иштирокидаги ўйинда тўп 217км/с тезликда одамга бориб урилди (ВИДЕО)

Ўйин давомида Ник Кирьоснинг берган зарбаси тўп ташувчи қизлардан бирига катта тезликда бориб тегди.

"Овозни эшитганимда тўп таблога бориб тегди деб ўйладим. Аммо, кейин у тўп олиб берувчи қизлардан бирининг қўлига текканини тушундим. У йиғлади, лекин чемпионларга хос тарзда ўзини босиб турди. Мен ҳам бундай вазиятда йиғлаб юборган бўлардим", - деди Кирьос.

Маълум бўлишича, тўп 217кг/с тезликда қизнинг қўлига бориб теккан.

Эслатиб ўтамиз, ушбу ўйинда ҳамюртимиз 6:7(3), 6:7(4), 7:6 (5), 3:6 ҳисобларида имкониятни бой бериб қўйди.