Истомин Испания турнири асосий тўрида кортга чиқди

Мусобақада теннисчимиз Денис Истомин ҳам ўз имкониятларини синовдан ўтказяпти. Саралаш босқичидан муваффақиятли ўтиб, асосий тўрга йўлланмани қўлга киритган Истомин бироз аввал илк давра ўйинини якунлади. 

Россиялик 20 ёшли Алибек Качмазовга қарши баҳснинг биринчи сетини ўз фойдасига  6/0 ҳисобида ҳал қилган Истомин, иккинчи сетда рақибига 4/6 ҳисобида имкониятни бой бериб қўйди. Ҳал қилувчи сет эса тай-брекка қадар давом этди. Омад лотареясида Качмазов ҳамюртимизни 7/4 ҳисобида мағлуб этиб, 3-сетни ўз фойдасига ҳал қилди ва турнирнинг иккинчи даврасига йўл олди. Умумий ҳисоб 0/6, 6/4, 7/6 - Качмазов фойдасига. Учрашув 2 соату дақиқа давом этди. Шу тариқа, Денис Истомин мусобақани илк давраданоқ тарк этди.