05 май 19:41
Янгиликлар

Теннис

Истомин Мадрид турнири саралашида кортга чиқди ва...

Мамлакатимизнинг биринчи рақамли теннисчиси Денис Истомин бугундан Испания пойтахти Мадрид шаҳрида бошланган “Mutua Madrid Open” мусобақасининг саралаш баҳсларида иштирок этди.

Ушбу “Мастерс” туркумига кирувчи турнирнинг мукофот жамғармаси 6,200,860 еврони ташкил қилади. Унинг асосий тўр баҳсларида дунёнинг биринчи ракеткаси Рафаэль Надаль, шунингдек етакчи теннисчилар Григор Димитров, Хуан Мартин Дель Потро, Новак Жоковичлар ҳам ўз маҳоратини намойиш этади.

Ҳозиргина Денис Истомин саралашнинг илк даврасида испаниялик Хауме Муньярга қарши кортга чиқди. Ҳамюртимиз рақибига бор йўғи бир сет қаршилик кўрсата олди. Бир соату 31 дақиқа давом этган баҳсда Муньяр 7:6(5), 6:0 ҳисобида зафар қучди.

Таққослаш учун, Денис дунё рейтингида 89, Муньяр эса 161-ўринни эгаллаб турибди. Истомин ва Муньяр шу кунгача ўзаро ҳали кортга тўқнаш келишмаган эди.