28 авг 16:56
Янгиликлар

Теннис

Истомин Нонтабури турнири саралашида кутилган натижани қайд этди

Таиланднинг Нонтабури шаҳрида теннис бўйича "Челленжер" туркумига киручи турнирнинг саралаш баҳслари давом этмоқда.

Соврин жамғармаси 37,520 долларни ташкил этувчи ушбу "Nonthaburi 2 Challenger 50" мусобақасида икки ҳамюртимизнинг ҳам ўз омадини синаб кўриши ҳақида хабар берган эдик. Бироз аввал Денис Истомин саралаш учрашувида франциялик Тимо Легуга қарши кортга чиқди.

Афсуски, еттинчи рақам остида сараланган ҳамюртимиз 98 дақиқа давом этган учрашувда ATP рейтингининг 498-поғонасида бораётган рақибига икки сетда ҳам бир хил 4/6 ҳисобида имкониятни бой бериб қўйди. Истомин дунёнинг 430-ракеткаси бўлиб турибди.

Эслатиб ўтамиз, мамлакатимизнинг биринчи ракеткаси Сергей Фомин тўғридан-тўғри асосий тўрдан курашга қўшилади. У эртага ўтказиладиган 1/16 финал учрашувида бразилиялик Габриэль Декампга қарши баҳс олиб боради.