Истоминнинг кеча нечта эйс зарбасини амалга оширганини биласизми?

Хард қопламали кортларда ўтаётган турнирнинг соврин жамғармаси 410 090 долларни ташкил қилади. Кеча Истомин иккинчи давра учрашувида германиялик Янник Маденни 6:3, 6:7(6:8), 7:6(7:0) ҳисобида мағлуб этганди.

Денис 2 соату 29 дақиқа давом этган ушбу баҳсда оз эмас, кўп эмас 18 та эйс зарбани амалга оширишга муваффақ бўлди. Бугун 31 ёшли Истомин 1/4 финалда грузиялик Николоз Басилашвилига қарши кортга чиқади.

Маълумот учун, грузин теннисчиси кеча турнирнинг 4-ракеткаси люксембурглик Жиль Мюллердан 6:4, 6:4 ҳисобида устун келган эди. Истомин дунё рейтингида 82, Басилашвили эса 64-ўринни эгаллаб турибди.