02 окт 12:25
Янгиликлар
Теннис
Истоминнинг рақиби аниқланди, Алматида “ўзбекча дерби” бўлмайди
Хабар берганимиздек, шу кунларда Қозоғистоннинг Алмати шаҳрида теннис бўйича “Челленжер” туркумига кирувчи турнир давом этмоқда.
Соврин жамғармаси 50 000 АҚШ долларини ташкил қилувчи ушбу турнирда ҳамюртимиз Денис Истомин биринчи рақам остида ҳаракат қиляпти. Бундан бир неча дақиқа аввал Дениснинг иккинчи даврадаги рақиби аниқланди. У Муҳаммад Сафват бўлди.
Мисрлик бу теннисчи истеъдодли ҳамюртимиз Ҳумоюн Султоновни 182 дақиқа давом этган драматик учрашув якунида 6:2, 4:6, 7:6, тайбрекда 7:4 ҳисобида мағлуб этишнинг уддасидан чиқди. Истомин эса кеча португалиялик Фредерику Сильвани 6:3, 7:5 ҳисобида таслим этганди.
Ҳавола :
Манба : olamsport.com
Фикрлар