ISU мавсумнинг энг яхшиларини эълон қилди: Гейниш ва Чигирёв "энг яхши дебютантлар", Ўзбекистон собиқ аъзолари "энг яхши мураббийлар" — уларнинг фарзанди эса "энг яхши эркак фигурали учувчи" бўлди!

"Аҳамиятлиси, фигурали учиш бўйича Ўзбекистон терма жамоаси аъзолари Дмитрий Чигирёв ҳамда Екатерина Гейниш жуфтлиги "Энг яхши дебютант" номинациясида ғолиб бўлди. Ҳамюртларимиз жорий мавсум илк бор катталар ўртасидаги халқаро турнирларда иштирок этишди. Шунга қарамай, Харбин-2025 қишки Осиё ўйинларида олтин, Канада Гран-присида кумуш медалларга сазовор бўлишди. Қолаверса, Бостон шаҳрида ўтган жаҳон чемпионатида кучли ўнликдан жой олиб, Милан-Кортина-2026 қишки Олимпия ўйинлари йўлланмасини қўлга киритди", дея хабар беради Ўзбекистон МОҚ матбуот хизмати.

Тадбир доирасида Гейниш ва Чигирёвдан ташқари Ўзбекистонга оид яна бир номлар янгради. Терма жамоамиз собиқ аъзолари Татьяна Малинина ҳамда Роман Скорняков "энг яхши мураббий" номинациясида ғолиб бўлди. Уларнинг фарзанди Илья Малинин эса кутилганидек эркаклар ўртасидаги "энг яхши фигурали учувчи" деб топилди.

Тадбирдан суратлар: