17 ноя 09:06
Янгиликлар

Теннис

Италия Билли Жин Кинг Кубоги 1/2 финалида

Теннис бўйича Италия терма жамоаси норасмий жаҳон чемпионати ҳисобланган Билли Жин Кинг Кубогида муваффақиятли одимламоқда.

"Мовий ўлка" вакиллари Япония терма жамоаси теннисчиларига қарши кечган учрашувда 2:1 ҳисобида ғалаба қозонишди. Элизабетта Кочиаретто Ена Шибахарага ютқазиб қўйди - 6/3, 4/6, 4/6.

Иккинчи баҳсда мавсумни юқори савияда ўтказаётган Жасмине Паолини Моюка Учижимани 6/3, 6/4 ҳисобида енгиб, умумий ҳисобни тенглаштирди. Ҳал қилувчи жуфтликлар учрашувида Паолини ва Эррани тандеми японияликлар Аояма ва Ходзуми ҳамкорлигидан устун келди - 6/3, 6/4.