05 ноя 18:20
Янгиликлар

Спорт курашлари

Жаҳон чемпионати. Аббос Раҳмоновда аламли мағлубият, Бегижонда ҳам

Сербия пойтахти Белград шаҳрида давом этаётган ёшлар (U 23) ўртасидаги жаҳон чемпионатида эркин кураш мусобақаси давом этмоқда.

65 кг вазнда юртимиз шарафини ҳимоя қилаётган Аббос Раҳмонов нимчорак финал беллашувида россиялик Ибрагим Абдураҳмановга қарши баҳс олиб борди. Муросасиз кечган баҳсда 7-7 ҳисоби қайд этилди ва россиялик курашчи чорак финалга йўл олди. Раҳмонов 4-7 ҳисобида ютқаза туриб, мувозанатни тиклашга муваффақ бўлган эди. Жуда аламли мағлубият бўлди. Аббоснинг рақиби финалга чиқса, бронза учун имконият сақланиб қолади.

Шунингдек, 70 кг вазндаги курашчимиз Бегижон Қўлдошев ҳам 1/8 финалда мағлубият аламини тотиб кўрди. У арманистонлик Вазген Теванянга 2-11 ҳисобида имкониятни бой берди. Аввалроқ, Отабек Саломов ва Арслон Раҳимов ҳам рақибларига ютқазиб қўйишганди.