Жаҳон чемпионати доирасидаги Ўзбекистон - Покистон учрашуви якунланди

Ҳозиргина Ўзбекистон ва Покистон терма жамоалари ўртасидаги учрашув ўз якунига етди ва афсуски, унда волейболчиларимиз рақибларига 0:3 (23:25, 18:25, 21:25) ҳисобида имкониятни бой бериб қўйишди. Гуруҳимизнинг яна бир ўйинида кеча биздан енгилган Туркия терма жамоаси муросасиз кечган 5 сетлик баҳсда Аргентинага 2:3 (25:21, 23:25, 22:25, 25:22, 12:15) ҳисобида ютқазди. 

Энди волейболчиларимиз 3-тур учрашувини эртага Пуэрто-Рико терма жамоасига қарши ўтказишади. Ушбу баҳс "Юнусобод" спорт мажмуасида соат 17:00да бошланади. Пуэрто-Рико бугун Бельгиядан 0:3 ҳисобида мағлуб бўлди.