Жаҳон чемпионати иштирокчиси иккинчи даврани "Олимпик"да бошлайди

Футболчи йил сўнгги қадар ижара асосида тошкентликлар сафида ҳаракат қилади. 

Маълумот учун, 20 ёшли иқтидорли ярим ҳимоячи «Андижон» сафига ўтган йилги мавсум бошида қўшилган. Ўшанда Про лигада «Андижон» таркибида 17 та ўйинда майдонга тушиб рақиблар дарвозасига 2 та гол урган. Ўзбекистон Кубоги доирасида эса 1 та ўйинда 1 та гол муаллифига айланган. Бу йил эса Эсанов Суперлигада дебютини ўтказди ва «Андижон» таркибида 5 та беллашувда қатнашди. 

Шунингдек, Эсанов бу йил Ўзбекистон У-20 терма жамоаси сафида Осиё чемпионлигини қўлга киритди ва Аргентинада ўтказилган мундиалда юртимиз шарафини ҳимоя қилди.