Жаҳон чемпионати. Озода Хожиевадан бир йўла икки медаль!

Даст кўтариш бир килограмм сабаб тўртинчи ўрин билан кифояланишга мажбур бўлган Озода, силтаб кўтаришда вазиятни ўнглай олди. 

Спортчимиз дастлабки уринишида 92 кг, иккинчи уринишда — 95 кг штангани ўзига бўйсундирди. Сўнгги уринишда эса бироз шошилди чоғи, 98 кг штангани кўтара олмади. Шундай бўлсада, силтаб кўтаришда ҳамюртимиз учинчи ўринни банд этди.

Иккикураш натижасига кўра, 172 кг натижа қайд қайд этган Озода иккинчи ўринни эгаллади ва терма жамоамиз ҳисобига жаҳон чемпионатининг биринчи кумуш медалини қўшиб қўйди.

Оғир атлетика бўйича ўсмирлар ўртасидаги жаҳон чемпионати, -55 кг, қизлар

1. Эстеп Катерин Эмили (АҚШ) 198 кг

2. Хожиева Озода (Ўзбекистон) 172 кг

3. Леон Перез (Мексика) 171 кг

Ўзбекистон оғир атлетика федерацияси матбуот хизмати