Жаҳон чемпионати. Раҳмонов ва Қўлдошевда ғалаба, икки курашчимизда эса мағлубият

Бугунги дастурдан тўрт эркин курашчимизнинг гиламга чиқиши белгиланган бўлиб, уларнинг икки нафари илк давра учрашувини ғалаба билан якунлашди. 65 кг вазнда юртимиз шарафини ҳимоя қилаётган Аббос Раҳмонов 1/16 финалда британиялик Тэйлор Коннеллини 7-0 ҳисобида мағлубиятга учратди. Айни дақиқаларда Раҳмонов нимчорак финал беллашувида россиялик Ибрагим Абдураҳмановга қарши баҳс олиб боряпти. 

70 кг вазндаги курашчимиз Бегижон Қўлдошев 1/16 финалда албаниялик Элмаз Крейзидан 10-0 ҳисобида устун келди. Унинг 1/8 финалдаги рақиби арманистонлик Вазген Теванян бўлади. 

Афсуски, 79 кг вазндаги полвонимиз Отабек Саломов 1/16 финалда швейцариялик Тангуй Дарбеллайга 57 кг вазндаги Арслон Раҳимов эса 1/16 финалда тожикистонлик Муҳаммад Икромовга имкониятни бой бериб қўйди.