23 апр 19:38
Янгиликлар
Бокс/ММА
Жаҳон чемпионати. Шаҳзод Музаффаров - жаҳон чемпиони!
Польшада бокс бўйича ёшлар ўртасидаги жаҳон чемпионати ўз якунига етиб бормоқда.
Мусобақада -49 кг вазн тоифасида юртимиз шарафини ҳимоя қилган Шаҳзод Музаффаров ҳал қилувчи финал жангини россиялик Евгений Жоровга қарши ўтказди ва 3:2 ҳисобида ғалаба қозонди.
Бу орқали Музаффаров ёшлар ўртасидаги жаҳон чемпионига айланди ва олтин медалга сазовор бўлди!
Бироздан сўнг +91 кг вазн тоифасидаги боксчимиз Жаҳонгир Зокиров олтин медаль учун арманистонлик рақибга қарши ўтказади.
Маълумот учун, ҳозирча йигитларимиздан Аълохон Абдуллаев ва Шоҳжаҳон Абдуллаев бронза медалини қўлга киритишган.
Қизларимиз эса жаҳон чемпионатини 1 та олтин, 1 та кумуш ва 4 та бронза медали билан якунлашди.
Ўзбекистон бокс федерацияси матбуот хизмати
Ҳавола :
Манба : olamsport.com
Фикрлар