Жаҳон чемпионати совриндорлари Тошкентда тантанали кутиб олинди + ФОТО

Бу ҳақда Ўзбекистон шахмат федерацияси матбуот хизмати хабар бермоқда. 9-17 ёшлилар ўртасидаги дунё биринчилигида муваффақиятли иштирок этган Ўзбекистон ёшлар ва ўсмирлар терма жамоаси аъзолари Ислом Каримов номидаги Тошкент халқаро аэропортида тантанали тарзда кутиб олинди.

16-21 декабрь кунлари ўтказилган ушбу нуфузли мусобақада 33 давлатдан 314 нафар шахматчи иштирок этди. Ўзбекистон терма жамоаси жаҳон чемпионатида 36 нафар иқтидорли шахматчи билан қатнашиб, юқори натижа қайд этди.

Мусобақа якунларига кўра, шахматчиларимиз рапид ва блиц баҳсларида жами 12 та медални қўлга киритишди: 5 та олтин, 2 та кумуш, 5 та бронза

Ушбу натижа билан терма жамоамиз умумжамоа ҳисобида 1-ўринни эгаллади.

Жаҳон чемпионатида медалга сазовор бўлган шахматчилар:

Омонов Асроржон — 17 ёшгача, рапид, олтин медаль

Бегмуратов Хумоюн — 15 ёшгача, рапид, олтин медал; блиц, бронза медаль

Олимова Руқия — 15 ёшгача (қизлар), рапид, олтин медаль

Халилова Мадинабону — 17 ёшгача (қизлар), рапид, кумуш медал; блиц, олтин медаль

Комилжонова Лазизабону — 13 ёшгача (қизлар), блиц, олтин медаль

Ботиралиев Абдимажид — 13 ёшгача, рапид, кумуш медаль

Ҳикматхонова Мохинур — 13 ёшгача (қизлар), блиц, бронза медаль

Хуснитдинова Хуснорахон — 11 ёшгача (қизлар), блиц, бронза медаль

Абдухакимов Акбарали — 17 ёшгача, блиц, бронза медаль

Неъматиллахонов Нурмуҳаммад — 9 ёшгача, рапид, бронза медаль