22 апр 21:07
Янгиликлар
Бокс/ММА
Жаҳон чемпионати. Яна бир боксчимиз финал жангини ўтказди
Польшада бокс бўйича ёшлар ўртасидаги жаҳон чемпионати ўз якунига етиб бормоқда. Бугун мусобақа доирасида қизлар ўртасида финал жанглари бўлиб ўтмоқда.
Хабар бериб ўтганимиздек, -64 кг вазнли боксчимиз Моҳинабону Абдуллаева барча рақибаларини мағлуб этган ҳолда финалгача етиб келди. Ҳал қилувчи жангда у россиялик Азалия Аминевага қарши тўқнаш келди ва 0:5 ҳисобида имкониятни бой берди. Бу орқали, Моҳинабону жаҳон чемпионатининг кумуш медалига сазовор бўлди.
Аввалроқ бошқа бир боксчи қизимиз Нигина Ўктамова (-54 кг) жаҳон чемпионатининг олтин медали соҳибасига айланганди.
Шу тариқа, боксчи қизларимиз ёшлар ўртасидаги жаҳон чемпионатини 1 та олтин, 1 та кумуш ва 4 та бронза медали билан тугатадиган бўлишди.
Эртага ўғил болалар ўртасида финал жанглари ташкил этилади.
Ҳавола :
Манба : t.me/boxinguzbekistan
Ўхшаш янгиликлар
14:52
U-17 Жаҳон чемпионати олдидан. Ислом Исмоилов: "Жаҳон чемпионатига энг яхши ҳолатда етиб келдик" 0
Фикрлар