Жаҳон кубоги, 1/8 финал. Жавоҳирда ғалаба, Нодирбек дуранг ўйнади

Дунёнинг 206 нафар шахматчиси иштирокида бошланган нуфузли мусобақанинг 1/8 финал илк учрашувлари ўтказилди. 19 ёшли Жавоҳир Синдаров драматик кечган баҳсда германиялик гроссмейстер Фредерик Свенни мағлубиятга учратди. Свен учинчи босқичда амалдаги жаҳон чемпиони ҳиндистонлик Гукеш Доммараджуни 1,5:0,5 ҳисобида мағлубиятга учратган эди. 

Бешинчи даврага етиб келган иккинчи гроссмейстеримиз Нодирбек Якуббоев арманистонлик Габриэл Саргиссян билан дуранг ўйнади. Бугун шахматчилар ўртасида жавоб учрашувлари ўтказилади. Синдаровни дуранг натижа ҳам 1/4 финалга олиб чиқади. Партиялар бизнинг вақт билан соат 14:45да бошланади.  

Жавоҳир Синдаров — Фредерик Свен (Германия) - 1:0

Нодирбек Якуббоев — Габриэл Саргиссян (Арманистон) - 0,5:0,5

Эслатиб ўтамиз, Шамсиддин Вохидов ва Нодирбек Абдусатторов учинчи босқичда рақибларига имкониятни бой бериб, жаҳон Кубогидаги иштирокларини якунлаган эди. Улар 11 000 АҚШ доллари миқдоридаги пул мукофотини қўлга киритишди.