Жаҳон кубоги. Феруза Казакова Хитойдаги юришини муваффақиятли бошлади

У илк босқичдаёқ ашаддий рақибасига айланган германиялик Махи Клотзерга қарши рингга кўтарилди. Бу уларнинг жорий йилдаги 3- тўқнашуви эди. Дастлаб йилнинг бошида “Странджа” турнирида Феруза ғалаба қозонган бўлса, Бразилиядаги Жаҳон кубогида Клотзер зафар қучганди.

Трилогияда эса Казакова барчасига нуқта қўйди. Икки раундни 5:0 ҳисоби билан ўз фойдасига ҳал қилган Казакова 3-раундда асосан жароҳат орттириб олмасликка интилди. Шу тариқа Феруза жиддий рақибасини 5:0 ҳисобида таслим этди ва мусобақадаги юришини давом эттирадиган бўлди.

Бугун мусобақа доирасида фақатгина Феруза Казакова жанг ўтказиши лозим эди. Юртдошларимиз иштирокидаги жанглар эртадан давом эттирилади.