Жаҳон кубоги. Иккинчи кунда 2 ғалаба ва 1 мағлубият, қозоқ боксчиси мағлуб этилди

Хабарингиз бор, ушбу нуфузли мусобақада мураббийлар штаби қарорига кўра Ўзбекистон эркаклар терма жамоаси иштирок этмаяпти. Унда Элшод Расулов мураббийлигидаги аёллар терма жамоамиз вакилалалари ҳимоя қилишяпти. 

Мусобақанинг иккинчи кунги баҳсларида уч нафар боксчимиз рингга кўтарилди. Феруза Казакова (-54 кг) қозоғистонлик Анел Сакишга ҳеч қандай имконият қолдирмади - 5:0. -75 кг вазнда юртимиз шарафини ҳимоя қилаётган Азиза Зокирова польшалик Оливиа Тоборекдан 5:0 ҳисобида устун келди. Зокирова рақибасини нокдаун ҳолатига ҳам тушириб қўйди.

Афсуски, Хуморабону Мамажонова (-57 кг) Хитой Тайпейи боксчиси Ву Ши-Йига ҳакамларнинг қарорларига кўра 0:5 ҳисобида имкониятни бой бериб қўйди.