Жаҳон кубоги. Нодирбек 1/8 финалга чиқди, Жавоҳир бугун тай-брекда ўйнайди

Дунёнинг 206 нафар шахматчиси иштирокида бошланган нуфузли мусобақанинг 1/16 финал босқичида иккинчи учрашувлар бўлиб ўтди. Нодирбек Якуббоев ҳиндистонлик гроссмейстер Венкатеш Пранав билан дурангга имзо чекканди. Иккинчи партияда шахматчимиз номдор рақибини мағлуб этишга муваффақ бўлди ва 1/8 финалга йўл олди. 

Жавоҳир Синдаров эса хитойлик Ю Ян И билан муросага келганди. Шахматчилар ўртасидаги иккинчи партияда ҳам ғолиб аниқланмади. Бугун гроссмейстерлар ҳал қилувчи тай-брекда нимчорак финал йўлланмаси тақдирини ҳал қилишади. 

Жавоҳир Синдаров — Ю Ян И (Хитой) - 1:1

Нодирбек Якуббоев — Венкатеш Пранав (Ҳиндистон) - 1,5:0,5

Эслатиб ўтамиз, Шамсиддин Вохидов ва Нодирбек Абдусатторов учинчи босқичда рақибларига имкониятни бой бериб, жаҳон Кубогидаги иштирокларини якунлаган эди. Улар 11 000 АҚШ доллари миқдоридаги пул мукофотини қўлга киритишди.