Жаҳон кубоги. Нодирбек ва Жавоҳир 4-босқичнинг илк партиясида қандай натижа қайд этди?

Дунёнинг 206 нафар шахматчиси иштирокида бошланган нуфузли мусобақанинг 1/16 финал босқичида илк учрашувлари бўлиб ўтди. Нодирбек Якуббоев ҳиндистонлик гроссмейстер Венкатеш Пранав билан дурангга имзо чекди. Жавоҳир Синдаров эса хитойлик Ю Ян И билан муросага келди. 

Бугун гроссмейстерлар ўртасидаги иккинчи учрашув ўтказилади. Дуранг бўлган тақдирда эртага плей-офф партиялари орқали ғолиб аниқланади. Бугунги жавоб учрашувлари ҳам бизнинг вақт билан соат 14:30да бошланади. 

Жавоҳир Синдаров — Ю Ян И (Хитой) - 0,5:0,5

Нодирбек Якуббоев — Венкатеш Пранав (Ҳиндистон) - 0,5:0,5

Эслатиб ўтамиз, Шамсиддин Вохидов ва Нодирбек Абдусатторов учинчи босқичда рақибларига имкониятни бой бериб, жаҳон Кубогидаги иштирокларини якунлаган эди. Улар 11 000 АҚШ доллари миқдоридаги пул мукофотини қўлга киритишди.