Жаҳон кубогида илк олтин медаль

Унда 60 дан ортиқ мамлакатнинг 400 нафарга яқин спортчиси иштирок этмоқда. Мусобақада юртимиз шарафини 7 нафар спортчимиз ҳимоя қилади.

Ҳамюртимиз Ҳусенбой Матрасулов 55 кг гача бўлган вазн тоифасида иштирок этиб, даст кўтариш машқида фахрли 1-ўринни эгаллади. У барча уринишларни ўз фойдасига ҳал қилиб, 104 кг тошни ўзига бўйсиндира олди ва олтин медални қўлга киритди. Ундан атиги бир килограмм фарқ билан ортда қолган руминиялик Космин Флорин Крупла иккинчи ўринни эгаллади. Шоҳсупанинг учинчи поғонаси қозоғистонлик Аблай Ауелхановга насиб этди – 102 кг.

Иккикураш якунига кўра қозоғистонлик спортчи 237 кг (102+135) натижа кўрсатиб, олтин медалга сазовор бўлди. Кумуш медал Флорин Круплага (227 кг, 103-124) насиб этган бўлса, мексикалик Перальто Пукс (225 кг, 96+129) учликни якунлаб қўйди.

Ҳ. Матрасулов эса иккикураш ҳисобига кўра 221 кг (104-117) билан 4-ўриндан жой эгаллади.