Жаҳон Кубогини қабул қилувчи мезбон давлатлар маълум

Унга кўра, эркин ва аёллар кураши бўйича Жаҳон Кубоги 10-11 декабрь кунлари АҚШнинг Кораллвил шаҳрида ўтказилади. Америкада 2023 йилги Жаҳон Кубогининг ҳам ўтказилиши расман эълон қилинди. Юнон-рум кураши бўйича Жаҳон Кубогига эса 5-6 ноябрь кунлари Озарбайжоннинг Боку шаҳри мезбонлик қилади. 

Таъкидлаш жоиз, терма жамоалар ўртасидаги Жаҳон Кубоги пандемия сабабли 2019 йилдан буён ўтказилмай келинаётганди. Яна бир янгилик, аёллар ва эркаклар эркин кураши бўйича Жаҳон Кубоги илк бор биргаликда ташкил этилади. 

Эслатиб ўтамиз, янги қоидаларга кўра Жаҳон Кубогида жаҳон чемпионатида кучли бешталикдан жой олган терма жамоалар иштирок этади. Шунингдек, терма жамоаси ТОП-5га кирмаган, аммо дунёнинг кучли полвонларидан таркиб топган жаҳон терма жамоаси ҳам қатнашади.