Жаҳонгир Нажмиддинов Octagon 41 доирасида қозоғистонлик рақибига мағлуб бўлди

Қозоғистоннинг Олма-Ота шаҳрида жойлашган "Балуан-Шолак" аренасида ўтказилаётган Octagon 41 мусобақаси ўзбекистонлик жангчилар учун ўз якунига етди.

Бироз аввал ўзбекистонлик Жаҳонгир Нажмиддинов (8-5-1) қозоғистонлик Теймур Жапаровга (12-3-1) қарши октагонга кўтарилди. 3 раундга мўлжалланган жанг тўлиқ давом этди ва унда қозоғистонлик Теймур Жапаров ҳакамларнинг якдил қарори билан ғалаба қозонди.

Таъкидлаш зарур, бугунги кун доирасида уч нафар ўзбекистонлик аралаш яккакураш усталари октагонга кўтарилиб, икки нафари ғалаба қозонди, бир нафари мағлуб бўлди.