Жаҳонгир Ортиқхўжаев, Зафар Ҳошимов, Мурод Назаров каби тадбиркорлар спорт амалдорларига айланди

"Савдо-саноат палатаси раиси Даврон Ваҳобов Ўзбекистон корпоратив спорт ассоциацияси раиси этиб сайланди. Шунингдек, "Akfa Group" асосчиси Жаҳонгир Ортиқхўжаев раиснинг биринчи ўринбосари, "International Beverages Tashkent" директорлар кенгаши раиси Шуҳрат Эргашев раис ўринбосари этиб сайланди.

Шу билан бирга, Бекзод Маматқулов (BMB Holding) футбол ва футзал, Зафар Ҳошимов (Korzinka) баскетбол, Баҳодир Абдуллаев (B.A. Holding) стол тенниси, Мурод Назаров (Murad Buildings) енгил атлетика бўйича масъуллар сифатида Ассоциация бошқарув кенгашига аъзо бўлди.

Маълумот ўрнида, мазкур ташкилот тадбиркорлик субъектларини спортга жалб қилиш ва улар ўртасида мусобақалар ўтказилишини тизимли тарзда йўлга қўяди", дейилади хабарда.