25 авг 08:35
Янгиликлар

Шахмат

Жаҳонгир Воҳидов — Абу Даби халқаро шахмат фестивали ғолиби!

БАА пойтахтида ўз ниҳоясига етган нуфузли 32nd Abu Dhabi International Chess Festival мусобақасининг Masters гуруҳида ҳамюртимиз Жаҳонгир Воҳидов мутлақ чемпионга айланди.

Гроссмейстеримиз 9 тур якунига кўра 7.0 очко жамғариб, турнир жадвалида якка пешқадамга айланди.

Ушбу ёрқин натижа орқали у 1-ўрин ҳамда 15 000 доллар миқдоридаги бош совринни ўзлаштирди. Асосий рақобатчилар, жумладан, россиялик Даниил Дубов (6.5 очко) эса кучли учликдан жой олди.

Якуний натижалар ва мукофотлар (Мастерс):

1. Жаҳонгир Ваҳидов — 7.0 очко ($15 000)

2. Даниил Дубов — 6.5 очко ($10 000)

3. Александр Рахманов — 6.5 очко ($7 000).