23 авг 23:39
Янгиликлар
Бокс/ММА
Жалоловнинг азалий рақиби Камшибек Кункабаев проф боксда дебют қилди + ФОТО
Ҳозиргина Қозоғистоннинг Алмати шаҳрида MTK Global промоушени томонидан ташкил этилган профессионал бокс кечаси якунланди.
Оқшомнинг марказий жангида Баҳодир Жалоловнинг ҳаваскор боксдаги ашаддий рақиби, қозоғистонлик Камшибек Кункабаев тажрибали ҳамюрти, иккинчи даражали ҳисобланган WBC ABC, WBA Asia ва IBO Inter-Continental чемпионлик камарларининг собиқ соҳиби Иса Акбербаев (20-1, 15 КО)га қарши рингга кўтарилди.
Бу Камшибек учун дебют жанг эди. Саккиз раундга мўлжалланган жанг иккинчи раундда тўхтатилди. Кункабаев рақибининг жигар қисмига аниқ ва кучли зарба йўллади. Натижада рефери жангни тўхтатишга мажбур бўлди. Бу Акбербаев фаолиятидаги иккинчи мағлубият эди. Жалолов Екатеринбургда ўтган Жаҳон чемпионатининг финалида Кункабаевдан устун келганди.
Ҳавола :
Манба : olamsport.com
Фикрлар